မကြာခဏမေးတတ်သော မေးခွန်းများ

Mercy Malaysia (မာစီမလေးရှား) မှဒုက္ခသည်များနှင့် အခြားအပယ်ခံထားရသောအုပ်စုများအား အခမဲ့ဆေးစစ်ပေးခြင်း

သင်သည်ဒုက္ခသည် / ခိုလှုံခွင့်လျှောက်ထားသူတစ်ဦးဖြစ်ပြီး ဆေးစစ်မှုခံယူရန်လိုအပ်လျှင် Mercy Malaysia သို့အောက်ပါအချက်အလက်များအား WhatsApp (019-2077045) သို့မဟုတ် email ([email protected]) သို့ ကျေးဇူးပြု၍ပို့ပေးပါ -

• ၁။ နာမည် -

• ၂။ ယူအန် နံပါတ် -

• ၃။ မွေးရပ်နိုင်ငံ -

• ၄။ ဘာသာ -

• ၅။ တိုင်းရင်းသား -

• ၆။ မွေးသက္ကရစ် -

• ရ။ အိမ်ထောင် ရှိ / မရှိ -

• ၈။ ဆက်သွယ်ရန်ဖုန်းနံပါတ် -

• ၉။ အရေးပေါ်ဆက်သွယ်နိုင်သည့်ဖုန်းနံပါတ် / တော်စပ်ပုံ -

• ၁၀။ နေရပ်လိပ်စာ

• ၁၁။ အလုပ်အကိုင် -

• ၁၂။ ကုမ္ပဏီ နာမည် -

• ၁၃။ ကုမ္ပဏီ လိပ်စာ -

• ၁၄။ ပညာအရည်အချင်း -

• ၁၅။ လစာ -

• ၁၆။ အထူးလိုအပ်ချက် -

• ၁၇။ အခြားကျန်းမာရေးပြဿနာများအတွက် ဆရာဝန်နှင့်တွေ့ရန်လိုပါသလား

• သောက်သုံးနေသည့်ဆေးဝါးများရှိပါသလား? ဘယ်နှကြိမ်? တစ်နေ့တစ်ကြိမ် သို့မဟုတ် တစ်နေ့နှစ်ကြိမ်?

မကြာခဏမေးတတ်သော မေးခွန်းများ

• ကျွန်ုပ် လည်ချောင်းနာ/ကိုယ်ပူ/ချောင်းဆိုး.နေသည်။ ကိုဗစ်-၁၉ စစ်ဆေးသင့်ပါလား?

  မေး - ကိုဗစ်-၁၉ ရှိသူလူနာနှင့် အနီးကပ်နေထိုင်ဖူးပါသလား?

  ကိုဗစ်-၁၉ ပိုးရှိသူလူနာနှင့် သင့်တော်သော ကာကွယ်စောင့်ရှောက်ရေးပစ္စည်းမပါဘဲ သင်အတူတူ အလုပ်လုပ်၊ နေထိုင်၊ အတူခရီးသွားပါသလား သို့မဟုတ် သင်ကျန်းမာရေးစောင့်ရှောက်မှုပေးနေသူတစ်ဦးဖြစ်ပါသလား။

  နှင့် / သို့မဟုတ်

  မေး - လွန်ခဲ့သည့် ၁၄ အတွင်းပြည်ပခရီးထွက်ပါသလား?

  ဟုတ်ကဲ့

  မဟုတ်ပါ

  စမ်းသပ်စစ်ဆေးမှုခံယူပါ
  ကျန်းမာရေးဝန်ကြီးဌာနမှ သင့်အားပိုးရှိလူနာနှင့် အနီးကပ်ထိတွေ့သူဟု သတ်မှတ်နိုင်ဖွယ်ရှိသည်။ ကျန်းမာရေးဝန်ကြီးဌာနရုံးများမှ သင့်အားဆက်သွယ်လာမည်ကိုစောင့်ပါ သို့မဟုတ် အောက်တွင်ဖော်ပြထာသည့် hotlines နံပါတ်အားဆက်သွယ်ပါ။

  ဇွန်လ ၁၀ ရက်နေ့မှစ၍ ပြည်ပနိုင်ငံများမှပြန်ရောက်လာသော မလေးရှားနိုင်ငံသားများသည် ရောဂါပြန့် ပွားမှုကိုကာကွယ်ရန် မိမိနေအိမ်တွင် ၁၄ ရက်သီးသန့်ခွဲနေရမည်ဖြစ်သည်။ ထိုသူတို့သည် ထိုမတိုင်မီ သီးသန့် ခွဲနေထိုင်ရသည့် စင်တာများတွင် သီးသန့်ခွဲနေခဲ့သူများဖြစ်သည်။

  ကိုဗစ်-၁၉ ဖြစ်နိုင်ချေမရှိပါ။ သို့သော်သင့်ထံတွင်တွေဝေမှုများရှိခဲ့လျှင် ကျန်းမာရေးဝန်ကြီးဌာန၏ hotline သို့ဆက်သွယ်ပါ။

  ---

• ကျွန်ုပ် ကိုဗစ်-၁၉ စမ်းသပ်စစ်ဆေးပြီးနောက် ဘာဖြစ်မည်နည်း?

  မေး - စစ်ဆေးမှုရလဒ်ကိုစောင့်ဆိုင်းနေချိန်အတွင်း သင်ဖျားနာခြင်းရှိလာပါသလား သို့မဟုတ် သင့်အား အိမ်တွင်းစောင့်ကြည့်ရန် မသင့်တော်မှုများရှိပါသလား?

  ဟုတ်ကဲ့

  မဟုတ်ပါ

  သင့်ကိုဆေးကုသဖို့အတွက် သို့မဟုတ် စောင့်ကြည့်ဖို့ရန်အတွက်ဆေးရုံတက်ရလိမ့်မည်။

  သင်သည် အိမ်တွင်ရောဂါမပြန့်ပွားအောင်သီးခြားနေထိုင်ခြင်းအား ၁၄ ရက်ပြုလုပ်ရလိမ့်မည်။ သင့်အခြေအနေအား စောင့်ကြည့်မှတ်သားပါ။ ကျန်းမာရေးလုပ်သားများမှ သင့်အား အချိန်အခါအားလျော်စွာပုံမှန်လာရောက်စစ်ဆေး လည်ပတ်နိုင်ပါသည်။

  မေး - သင်၏ဆေးစစ်ချက်ရလဒ်ရှိသည်။ သင်ထံတွင်ပိုးတွေ့ရှိပါသလား။

  ရှိပါသည်

  မရှိပါ

  သင်ဆေးကုသမှုခံယူရန်နှင့်ပုံမှန်ဆေးစစ်ချက်များပြုလုပ်နိုင် ရန်အတွက် ဆေးရုံတက်ရပါလိမ့်မည်။
  
  သင်ပြန်လည်နလန်ထူလာပြီးနောက်နှင့် အနည်းဆုံး ၂၄ နာရီခြား တစ်ကြိမ်ပြုလုပ်သောဆေးစစ်ဆေးမှုများတွင် နှစ်ကြိမ်ဆက်တိုက် ပိုးမရှိရလဒ်ရရှိပါက ဆေးရုံမှဆင့်ခွင့် ရမည်ဖြစ်သည်။

  ၁၄ ရက်ပြည့်ပြီးနောက်တွင် သင်ဆေးရုံမှဆင်းခွင့်ရမည်ဖြစ်သည်။

  ---

• လှုပ်ရှားသွားလာမှုကန့်သတ်ရေးပြည်လည်ဖြေလျှေ့ာအမိန့် (RMCO) ဆိုသည်မှာ အဘယ်နည်း?

  ၎င်းသည် သွားလာလှုပ်ရှားမှုကန့် သတ်ရေး အမိန့် ၏ အဆင့် ၆ဆင့်မြောက်ဖြစ်ပြီး ဂျွန်လ ၁၀ ရက်နေ့ မှ စတင်ခဲ့ပါသည်။ ဤအမိန့် အရ ပြည်တွင်းခရီးသွားလာခြင်း နှင့် အပန်းဖြေခရီးသွားလာခြင်းများအပါအဝင် သွားလာလှုပ်ရှားမှုအများစု ကိုခွင့်ပြုထားသည်။ သို့သော်လည်း ပြည်ပခရီးသွားလာခြင်းကိုတော့ဆက်လက်ပိတ်ပင်ထားပါသည်။ အသေးစိတ်အချက်အလက်များအတွက် ဤနေရာတွင်ဖတ်ပါ။

• လှုပ်ရှားသွားလာမှုကန့်သတ်ရေး ပြည်လည်ဖြေလျှေ့ာအမိန့် အခြေအနေသည် တစ်နိုင်ငံလုံးအတိုင်းအတာ အတွက် အကျုံးဝင်ပါသလား?

  ဟုတ်ကဲ့ အကျုံးဝင်ပါသည်။ သို့သော်ပြည်နယ်အစိုးရများမှ အခြားနောက်ထပ်အခြေအနေများ ထပ်မံချမှတ်နိုင်သည်။ အကယ်၍ မသေချာပါက သင်၏တည်နေရာနှင့်လိုက်၍ကြည့်ရှုစစ် ဆေးနိုင်သည်။

• ကျွန်ုပ်၏ကိုယ်ပိုင်ကားနှင့် မောင်းနှင်သွားလာနိုင်ပါသလား?

  ရပါသည်၊ ပြီးခဲ့သည့် လှုပ်ရှားသွားလာမှုထိန်းချုပ်ရေးအမိန့်အရ ကန့် သတ်ထား သောကိုယ် ပိုင်ကားမောင်နှင်ခြင်းနှင့်ပတ်သက်သောကန့်သတ်ချက်များအား ရုပ်သိမ်းဖယ်ရှားလိုက်ပြီဖြစ်သည်။

• ကျွန်ုပ်နေထိုင်ရာ ပြည်နယ်အတွင်းမည်သည့် နေရာကိုမဆိုသွားလာခွင့်ရှိပါသလား?

  ရှိပါသည်။ မေလ ၄ ရက်နေ့မှစ၍ ပြီးခဲ့သည့် လှုပ်ရှားသွားလာမှု ကန့် သတ်ရေး အမိန့်အရ ကန့်သတ်ထားသော ၁၀ ကီလိုမီတာထက်ကျော် ၍ သွားလာ နိုင်ပြီဖြစ်သည်။

• အစားအစာနှင့် အခြားအခြေခံအသုံးအဆောင်များကျွန်ုပ်သိုလောင်ထားသင့်ပါသလား?

  ကျေးဇူးပြု၍ အလွန်အကျွံဝယ်ယူခြင်းနှင့် အကြောက်အလန့်ဝယ်ယူခြင်းများအားရှောင်ကြဥ်ပါ။ အစိုးရမှ လုံလောက်သည့်ရိက္ခာများနှင့် ကုန်ပစ္စည်းများထားရှိပေးရန် နှင့် ကုန်စုံဆိုင်စတိုးဆိုင်များလည်းဆက်လက်ဖွင့်လှစ် ပေးထားမည်ဖြစ်ကြောင်း အာမခံထားပါသည်။

  စူပါမားကတ်များနှင့်စျေးဆိုင်များတွင် လူအစုလိုက်ဝင်ရောက်ခြင်းသည်လည်း စျေးဝယ်ယူသူများအကြား ရောဂါကူးစက်ပြန့်ပွားစေနိုင်သည့်အန္တရာယ် မြင့်မားစေနိုင်သည်။ ကျေးဇူးပြု၍ လူထူထပ်သည့်နေရာများအားရှောင်ကြဥ်ပါ။

• စားသောက်ဆိုင်များ ဖွင့်လှစ်လိမ့်မည်လား?

  ဟုတ်ကဲ့၊ တင်းကျပ်သောလမ်းညွှန်ချက်မျာနှင့်အတူ။ ဒေသဆိုင်ရာကောင်စီများသည် ၎င်းတို့၏တရားစီရင်ပိုင်ခွင့်အပေါ်မူတည်၍ စားသောက်ဆိုင်များအတွက်လိုအပ်သည့် အခြားစည်းမျဥ်းစည်းကမ်းအခြေအနေများထပ်မံ ချမှတ်နိုင်သည်။

• လှုပ်ရှားသွားလာမှုကန့်သတ်ရေး ပြည်လည်ဖြေလျှေ့ာအမိန့် အချိန်ကာလအတွင်းကျွန်ုပ်အိမ်ပြင်သို့ထွက်ခွာ သွားလာနိုင်ပါသလား?

  ဟုတ်ကဲ့၊ သို့သော်သင် တစ်ဦးနှင့်တစ်ဦးအကြား ခပ်ခွါခွါသွားလာခြင်း၊ လူထူထပ်သောနေရာများအား ရှောင်ကြဥ်ခြင်း၊ လူအများသွားလာသည့်နေရာများတွင်နှာခေါင်းစည်း ဝတ်ဆင်ခြင်းနှင့် သင့်လက်များကို မကြာခဏဆေးကြောခြင်းများပြုလုပ်ရန် ဆက်လက်တိုက်တွန်းအပ်ပါသည်။

• ကျွန်ုပ်တစ်ယောက်တည်း အပြင်တွင် ကိုယ်လက်လေ့ကျင့်ခန်း ပြုလုပ်၍ရပါသလား?

  ဟုတ်ကဲ့၊ ကိုယ်ခန္ဓာချင်းထိတွေ့ရန်လိုအပ်သောအားကစား များမှ အပ ကျန်သည့်အားကစားလှုပ်ရှားမှုအများစုအား ခွင့်ပြုထားပါသည်။ ရေကူးကန်များအားဇူလိုင်လ ရက်နေ့မှစ၍အသုံးပြုနိုင်မည်ဖြစ်သည်။

• ဖျော်ဖြေရေးဆိုင်ရာကျင်းပမှုများကို ပြုလုပ်ခွင့်ပြုပါသလား?

  ရုပ်ရှင်ရုံများ ဇူလိုင်လ ၁ရက်နေ့မှစတင်ကာဖွင့်လှစ်ပြသနိုင်ပြီဖြစ်သည်။ အရက်ဆိုင်၊ ကာရာအိုကေ၊ ဥယျာဥ်ပန်းခြံများ သို့မဟုတ် ညကလပ်များကဲ့သို့သောအခြားဖျော်ဖြေရေးနှင့် အပန်းဖြေမှုဆိုင်ရာ စီးပွားရေး လုပ်ငန်းများကိုခွင့်မပြုပါ။

• ကျွန်ုပ် လူအများရှိသည့်နေရာများတွင်ရှိနေစဥ်အတွင်း နှာခေါင်းစည်းအားတစ်ချိန်လုံး ဝတ်ဆင်ထားသင့်ပါသလား?

  လူအများရှိသည့်နေရာများတွင်ဝတ်ဆင်ရန်သင့်အားတိုက်တွန်းလိုပါသည်။ ဤအရာသည် သင်ရောဂါလက္ခဏာများဖွံ့ဖြိုးလာချိန်မှအပသို့မဟုတ်သင်အများပြည်သူသုံးသယ်ယူပို့ဆောင်ရေး ယာဥ်များ အသုံးပြုနေချိန်မှအပ မဖြစ်မနေဝတ်ဆင်ရန်မလိုအပ်ပေ။

• အကယ်၍ လှုပ်ရှားသွားလာမှုကန့်သတ်ရေးအမိန့်အား ကျွန်ုပ်ချိုးဖောက်လျှင်အဘယ်သို့ ဖြစ်မည်နည်း?

  ဤအရာသည် ပြစ်မှုဆိုင်ရာကျူးလွန်မှုတစ်ခုဖြစ်ပါသည်။ သင်အားချက်ချင်းဖမ်းဆီးအရေးယူပြီး ကူးစက် ရောဂါများတားဆီးကာကွယ်ရေးဆိုင်ရာ အက်ဥပဒေ ၁၉၈၈၏ ပုဒ်မ ၂၄ အရ တရားရုံးတွင် တရားစွဲဆိုအရေးယူလိမ့်မည်။ အကယ်၍ သင့်တွင်အပြစ်ရှိကြောင်းတွေ့ရှိပါက သင့်အားထောင်ဒဏ် ၆ လအထိ၊ ဒဏ်ငွေ ရင်းဂစ် ၁,၀၀၀ အထိ၊ သို့မဟုတ် ပြစ်ဒဏ်နှစ်ခုစလုံး ချမှတ်နိုင်သည်။

• ကျွန်ုပ်၏ကိစ္စအစီအစဥ်များအား ဖျက်သိမ်း သို့မဟုတ် ရွှေ့ဆိုင်းထားသင့်ပါသလား?

  မင်္ဂလာဆောင်ပွဲများနှင့် အခြားလူမှုရေးပွဲများအား ဇူလိုင်လ ၁ရက်နေ့မှစတင်ကာ ပြုလုပ်ကျင်းပ ခွင့်ပြုမည်ဖြစ်သည်။ တက်ရောက်သည့် ဧည့်သည်ဦးရေကိုတော့အယောက် ၂၅၀ဦး ကန့်သတ်ထားပါသည်။

  မွတ်ဆလင်ဘာသာဝင်များဆိုင်ရာအသုဘများကိုသေဆုံးပြီးသည်နောက်မကြာမီပြုရမည်ဖြစ်သည်၊ ဂျာနာဇာ (သေဆုံးသူအတွက်အထူးဆုတောင်းပွဲ)အား မိသားစုဝင်ရင်းချာများနှင့် ဗလီ သို့မဟုတ် ဆူရာ အသင်းဝင်များနှင့်သာ ပြုလုပ်ရမည်ဖြစ်သည်။

• ကျွန်ုပ်ဘာသာရေး‌ဆိုင်ရာလူထုဆုတောင်းစည်းဝေးများ တက်ရောက်ခွင့်ရှိပါသလား?

  ပြည်နယ်အများစုတွင် အခြေအနေအရလှုပ်ရှားသွားလာမှု ကန့်သတ်ရေးလမ်းညွှန်ချက်များနှင့် တိကျသောစည်းကမ်းများချမှတ်ကာ မွတ်ဆလင်ဘာသာဝင်များ၏ သောကြာနေ့ဆုတောင်းစည်းဝေးပွဲ နှင့် အခြားဘာသာလူစုလူဝေးဝတ်ပြုခြင်းများခွင့်ပြုထားပါသည်။ ဇွန်လ ၁၃ မှစ၍ မလေးရှားနိုင်ငံသားကဒ်ပြာရှိသူများကိုသာ ဘုရားရှိခိုးစည်းဝေးပွဲသို့ ဝင်ခွင့်ပြုမည်ဖြစ်သည်။ အစိုးရ၏ပြောကြားချက်အရ ဤသို့ပြုလုပ်ရခြင်းမှာ အကယ်၍ ဆုတောင်းပွဲတက်ရောက်ခဲ့ကြသူများမှ ပိုးတွေ့ရှိသူများရှိခဲ့လျှင် ခြေရာကောက်ရှာဖွေ ခြင်းကိုလွယ်ကူချောမွေ့စေရန်ဖြစ်သည်။ မေလ၂၈ ရက်နေ့တွင် အစိုးရမှ မွတ်ဆလင်ဘာသာဝင်များမဟုတ်သော အခြားဘုရားဝတ်ပြုနိုင်ရန် ပြန်လည်ဖွင့်လှစ်ခွင့်ပေးသည့်နေရာများ စရင်းအားထုတ်ပြန်ခဲ့သည်။

• အပျော်ခရီးထွက်သင့်ပါသလား?

  မလေးနိုင်ငံသားများအား ပြည်ပခရီး ထွက်ခြင်းမှတားမြစ်ထားပါသည်။ သို့ပေမဲ့လည်း၊ ပြည်တွင်းခရီးသွားခြင်းကိုတော့ခွင့်ပြုထားပါသည်။

  ဂျွန်လ ၁၀ ရက်နေ့မှစ၍ ပြည်ပနိုင်ငံများမှပြန်ရောက်လာသော မလေးရှားနိုင်ငံသားများသည် ရောဂါပြန့် ပွားမှုကိုကာကွယ်ရန် မိမိနေအိမ်တွင် ၁၄ ရက်သီးသန့်ခွဲနေရမည်ဖြစ်သည်။ ထိုသူတို့သည် ထိုမတိုင်မီ သီးသန့် ခွဲနေထိုင်ရသည့် စင်တာများတွင် သီးသန့်ခွဲနေခဲ့သူများဖြစ်သည်။

  ယခုအချိန်ကာလအတွင်း နိုင်ငံခြားသားများ နိုင်ငံတွင်းသို့ဝင်ရောက်လာခွင့်မပြု။

• ကျွန်ုပ်အလုပ်ခွင်၌ ကိုဗစ်-၁၉ပိုးတွေ့ရှိသူတစ်ဦးရှိသည်။ အလုပ်စီမံခန့်ခွဲသူများမှလုပ်ငန်းလည်ပတ်မှုအားပိတ်သင့်ပါသလား? ကျွန်ုပ်တို့ အိမ်မှနေ၍အလုပ်လုပ်သင့်ပါသလား?

  ဝန်ကြီးဌာနမှ သင့်လုပ်ငန်းခွင်မှ စီမံခန့်ခွဲရေးဌာနအား ဤအရာနှင့်ပတ်သက်သည့် သင့်လျော်သော်သောလုပ် ဆောင်မှုများကို အကြံပြုပါလိမ့်မည်။ ယနေ့အထိ ပိုးတွေ့ရှိသူများနေထိုင်သွားလာထားသည့် အဆောက်အ အုံများအား ပိုးသန့်စင်ထားပြီး စီးပွားရေးလုပ်ငန်းများလည်းပြန်လည်ဖွင့်လှစ်နေကြပြီဖြစ်သည်။

  ပြီးခဲ့သည့်ဖြစ်ရပ်များတွင် ကျန်းမာရေးဝန်ကြီးဌာနမှ ပိုးတွေ့လူနာများနှင့် အနီးကပ်နေထိုင်သူများအား ခွဲခြားသတ်မှတ်ပြီး စစ်ဆေးစမ်းသပ်မှုများပြုလုပ်ကာ ရောဂါကူးစက်ပြန့်ပွားမှုမရှိရန် သီးသန့် ခွဲခြားနေထိုင်စေပါသည်။

  သင်ထံတွင်သံသယတွေဝေမှုများရှိခဲ့သည်ဆိုလျှင် ဝန်ကြီးဌာနအား တိုက်ရိုက်ဆက်သွယ်နိုင် သည့်လိုင်းအားအောက်တွင် ဖော်ပြထားသည်။

• ပိုးတွေ့ရှိထားသည့်လူနာနှင့်အနီးကပ်နေထိုင်သူအား ကျွန်ုပ်သိထားသည်။ ကျွန်ုပ် သီးခြားခွဲပြီးနေထိုင်သင့်ပါသလား?

  မလိုပါ။ ပိုးတွေ့ရှိထားသည့်သူနှင့် တိုက်ရိုက်အနီးကပ်နေထိုင်ဖူးသူဖြစ်ခဲ့လျှင် သို့မဟုတ် လွန်ခဲ့သည့် ၁၄ အတွင်း ပြည်ပသို့ ခရီးထွက်ခဲ့သူ များသာလျှင် တစ်ဦးတည်း သီးသန့်ခွဲခြားနေထိုင်ရန် အကြံပြုအပ်ပါသည်။ ထိုအနီးကပ်နေထိုင်ဖူးသူများသည် ဆေးစစ်ဆေးသင့်သည်။

  အကယ်၍ သင့်တွင်သံသယများရှိခဲ့လျှင် ကျန်းမာရေးဝန်ကြီး၏တိုက်ရိုက်ဆက်သွယ်နိုင်သည့် လိုင်းအားဆက်သွယ်ပါ။

• အကယ်၍ ကျွန်ုပ်သည် ကိုဗစ်-၁၉ ပိုးရှိသူတစ်ဦးနှင့်ထိတွေ့ခဲ့မိသည်ဟု သံသယရှိလာလျှင် ကျွန်ုပ် ဆေးရုံ သို့မဟုတ် ဆေးခန်းသွားသင့်ပါသလား?

  ဆေးခန်း သို့မဟုတ် ဆေးရုံသို့ အလောတကြီးမသွားပါနှင့်

  ပထမဦးဆုံးသင်လုပ်ရမည်မှာ သင်ဆေးစစ်မှုခံယူသင့်မသင့် ဆုံးဖြတ်ရန် ကျန်းမာရေးဝန်ကြီးဌာန၏ တိုက်ရိုက်ဆက်သွယ်နိုင်သည့်လိုင်းအား ဆက်သွယ်မေးမြန်းပါ။ ဤကနေဦးစစ်ဆေးခြင်းသည် ကျန်မာရေးစောင့်ရှောက်ဝန်ဆောင်မှုပေးနေသူများ၏ ဝန်ပိမှုကိုလျှော့ချရန် အကူအညီဖြစ်စေသည်။

• အများပြည်သူသုံး သယ်ယူပို့ဆောင်ရေးများ လည်ပတ်မှုရှိပါသလား?

  မေလ ၄ ရက်နေ့မှစတင်၍ အများပြည်သူသုံးသယ်ယူပို့ဆောင်ရေးများ ပုံမှန်ဝန်ဆောင်မှုပြန်လည်ပေးတော့မည်ဖြစ်သည်။